ABŞ-ın Koliforniya ştatında yerləşən “Yosemite National Park”ındakı şəlalə bu günlərdə elə bir görüntüyə sahib olub ki, baxanları heyrətə salıb.Əslində hər il, məhz fevral ayının bəlli günlərində günəş fəzada yerləşmə trayektoriyasından asılı olaraq öz şüalarını Horsetail şəlaləsi üzərinə elə salır ki, belə bir əsrarəngiz mənzərə yaranır. Şəlaləni uzaqdan görənlərin ilk təəssüratı belə olur ki, hündürlükdən axan suları lava alovları yarıya bölüb. Amma əslində bu, ilğımdır.