Özünə qarşı çox ciddi münasibət bəsləmə. Etdiyin səhvlərə görə peşiman olma, amma onları etiraf et.
Dramatik vəziyyətlərdən uzaq dur. Onsuzda bütün həyatın boyu ağrı və dramatik hadisələr səni izləyəcək. Sənin əlindən isə həyatına kədər, peşimanlıq, mənfi emosiyalar gətirən insanlardan uzaq durmaq və ümumiyyətlə onları özünə yaxın buraxmamaq gəlir.
Anan həmişə səninlə olacaq. Gün gələcək mən sənin yanından olmayacam, amma həmişə sənin ürəyində və xatirələrində qalacam.
Verdiyin sözlərə, vədlərə əməl et. Axı sən kişisən… Kişinin sözü isə bir olar.
Ağlamaq – normal haldır. Sən daşürəkli deyilsən ki… Sən həssas, mehriban və ədalətlisən. Həyatda uğurların olduğu kimi məğlubiyyətlərin də olacaq. Bu zaman öz ruhsal vəziyyətini yüngülləşdirmək üçün göz yaşlarını vasitə kimi seçə bilərsən.
Sağlamlığının qeydinə qal. Sağlam qidalan, fiziki hərəkətlərə vaxt ayır və vaxtında həkimin qəbuluna düşməyə çəkinmə.
Özünü kainatın mərkəzi kimi hiss etmə. Yer üzərində həyat sən doğulmamışdan qabaq olub, var və olacaq. Fikrini ancaq öz üzərində cəmləmə və ətrafındakı insanlarla maraqlan, kömək et.
Öz dəyərini bil. Həyatda heç vaxt aza qane olma. Nə gündəlik həyatda, nə sevgidə, nə də iş həyatında. Ən yaxşı olub, hər zaman ən yaxşısını seç!
Ürəyinin səsinə qulaq as.
Cəsur ol! Heçnədən qorxma.
Həyatına insanları seçərkən, daxil edərkən ağlına işlət.
Ətrafındakılardan yaxşı, artıq deyilsən. Sən möhtəşəmsən! Lakin, bu xüsusiyyət səni avtobus sürücülərindən, təmizlik işçilərindən üstün etmir. Həyatda əldə edəcəyin uğurlardan asılı olmayaraq, hər zaman ətrafdakılarına hörmət et.
Sən çətinlikləri dəf etməlisən. Daima öz üzərində çalış, lazım gələndə kömək istəməkdən çəkinmə.
İnsanlar yaxşı məxluqlardılar. Lakin, bu o demək deyil ki, həyatda qarşına pis niyyətli insanlar çıxmayacaq. Sadəcə pis niyyətli insanlara görə bütün insanları “qaralamaq” olmaz
Hər zaman ailəni xatırla. Ailən həmişə sənin yanında olacaq. İstər xoş günündə, istərsə də çətin günlərində. Ailən səni olduğun kimi, bütün qüsur və üstünlüklərinə rəğmən qəbul edir, sevir.
Nəzakətli və mehriban ol. Mərifətsiz, davranışını bilməyən insanlarla ünsiyyət qurma. Əksinə nümunə götürəcəyin insanların əhatəsini seç
”Yox”-un mənası “yox”-dur. “Yox” cavabından sonra təşəbbüskarlıq göstərməyə dəyməz.
Özün ol. Öz şəxsiyyətini qoru.
İmkan vermə pul həyatını təyin etsin. Həyat pullardan daha geniş anlayışdır və həyatın ən gözəl anları pullarla bağlı olmaycaq. Məqsədli surətdə çalış və pul qazan, amma imkan vermə ki, pullar sənin şəxsiyyətini müəyyən etsin.
Yaxşılıq et.
