Filmlərdə, radiolarda, verilişlərdə və reklamlarda.. onun musiqiləri hər yerdə eşitmək mümkündür.
İtalyan bəstəkar və pianoçu Ludovico Einaudi 23 noyabr 1955-ci ildə Turində dünyaya gəlmişdir. Onun atası Gulio Einaudi məşhur nəşriyyatçı, babası Luigi Einaudi isə İtaliya Respublikasının prezidenti idi. Minimal musiqi janrının kralı piano üzrə ilk dərslərini anasından almışdır. Ludovikonun ilk albomu Le Onde 1996-cı ildə işiq üzü gördü. Onun əsərləri hər zaman qəlbləri fəth edir, performansları anşlaqla keçir.
Einaudinin əsərləri “Black Swan”, “The Intouchables”, “Doctor Zhivago”, “Stargate Universe” və başqa filmlərdə saundtrek kimi istifadə olunur.
Bəstəkarın ən yadda qalan performansı 2016-cı ildə Şimal Buzlu Okeanında həyata keçmişdir. Ətraf mühitin qorunması uğrunda mübarizə aparan Greenpeace təşkilatının «Save the Arctic» layihəsinə dəstək məqsədilə Einaudi süni buz üzərində «Elegy For The Arctic» adlı bəstəsini ifa etmişdi.
Bəstəkarın ən maraqlı canlı performanslarını sizinlə bölüşürük.
