Uşaqların düşüncələri stereotiplərdən uzaqdır, onlar yalnız gördüklərini və hiss etdiklərini söyləyir. Bu səbəbdəndə onların fikirləri böyük məna daşıyır. Onlar «sevgi nədir?» sualına belə cavab verir:

«Sevgi nədir? Sevgi odur ki, kimsə səni sevir və adını başqa cür səsləndirir. Sənin adın onun dilində özünü xoşbəxt hiss edir». (Billi, 4 yaş)

«Nənəmdə artrit yaranmışdı və o artıq əyilib ayaq dırnaqlarına boya çəkə bilmirdi. Babam nənəm üçün bunu etməyə başladı. Babamın əllərində artirt yarandığı günlərdə belə bunu etməyə davam etdi. Sevgi budur». (Rebekka, 8 yaş)

«Sevgi odur ki, sən qızardılmış kartofunu başqası ilə paylaşırsan və qarşılıq gözləmirsən». (Krissi, 6 yaş)

«Sevgi yorğun olduğun zamanlarda belə səni güldürən şeydir». (Terri, 4 yaş)

«Sən oğlana onun köynəyini bəyəndiyini deyirsən, o isə həmin köynəyi hər gün geyinməyə davam edir. Sevgi budur». (Noel, 7 yaş)

«Sevgi ananın ataya toyuğun ən yaxşı hissəsini verməsidir». (Eleyn, 5 yaş)

«Sevgi ananın atanı çirkli və tərli olduğunu gördüyü halda, atanın Robert Redforddan daha yaraşıqlı olduğunu deməsidir». (Kris, 8 yaş)

«Sevgi itini gün ərzində tək qoyduğun halda belə onun səni yalamasıdır». (Mari Enn, 4 yaş)

«Kimisə sevirsən və onu gördükdə kipriklərin qalxır və onların altından ulduzlar uçur. Bax, bu sevgidir». (Keren, 7 yaş)

«Sevgi ananın ata üçün hazırladığı qəhvənin ləzzətli olduğundan əmin olmaq məqsədilə dadına ilk öncə özünün baxmasıdır». (Mark, 7 yaş)

«Əgər sevmirsənsə, “səni sevirəm” deməyə ehtiyac yoxdur, ancaq bu həqiqətdirsə, bunu tez-tez təkrarla, çünki sevdiyin adam bunu unuda bilər». (Cessika, 8 yaş)

«Mən bilirəm ki, mənim böyük bacım məni çox istəyir, çünki o bütün köhnə əşyaların mənə verir və özü üçün yenilərini almalı olur». (Loren, 4 yaş)

«Qız üçün böyük üzük və kamera almağa kifayət qədər pulunuz yoxdursa, onu əsla öpməyin, çünki o mütləq toyun videosunu çəkmək istəyəcək». (Denis, 10 yaş)

Thanks for rating this! Now tell the world how you feel through social media. .
Məlumat sizə necə təsir bağışladı? (Qeyd: hissiyatınız bizim üçün önəmli və əhəmiyyətlidir)
  • Normal və ya Razı 😉
  • Həyacanverici
  • Qəmgin 🙁
  • Hirsli :@
  • Utancverici
  • Sevindirici 🙂