Ölkələr haqqında maraqlı faktlar

4931

 

 
Butan.

Butanda siqaret çəkənlərə qarşı kəskin mübarizə tədbirləri həyata keçirilir. 2004-cü ildən etibarən burada tütün məmulatlarının satışı və onlardan istifadə qadağan olunmuşdur. Siqaret çəkmək istəyənlər isə 175 avro dəyərində cərimə ödəməlidirlər. Ölkədə olan tütün məmulatlarının ölkədən ixracına icazə verilmir. Bu qaydalar əcnəbilərə, siyasətçilərə və beynəlxalq təşkilatların nümayəndələrinə aid edilmir. Lakin bu o demək deyil ki, onlar qaydaları poza bilərlər. Tütün məmulatlarının satışına görə həmin şəxsləri də cərimə gözləyir.

Vatikan.

1983-cü ildə Vatikanda 1 dənə də olsun doğum hadisəsi müşahidə olunmamışdır.

Böyük Britaniya.

Böyük Britaniyada icmalar palatasına ölkə başçısının – Kraliçanın girşi qadağandır. Kraliça İcmalar palatasının üzvləri sırasına daxil deyil.

Venesuela.

Əksər hallarda dünya gözəllik müsabiqələrində birincilik qazandıqları üçün Venesuela xanımları dünyanın ən gözəl xanımları hesab olunur.

Misir.

Ölkə ərazisindən axan Nil çayı tarix boyu iki dəfə – IX və Xı əsrlərdə donub.

İslandiya.

İslandiyanın paytaxtı Reykyavik dünyanın ən şimalda yerləşən paytaxtıdır.

Kosta-Rika.

1948-ci ildə ölkədə 44 gün davam edən vətəndaş müharibəsi olmuşdur. Bu hadisədən sonra ölkə hərbi qüvvəsini tamamilə ləğv etmiş və heç bir hərbi münaqişədə iştirak etməmək qərarı almışdır.

Monako.

Monako yeganə ölkədir ki, hərbi orkestrin üzvlərinin sayı hərbi dəstənin əsgərlərinin sayından çoxdur.

Niue.

Statistik göstəricilərə əsasən, 1996-cı ildə Niuedə 2089 insan yaşadığı halda, Yeni Zenlandiyada 18474 Niue vətəndaşı yaşayırdı.

Yeni Zenlandiya.

2005-2006-cı illərdə ölkənin idarə olunmasında bütün əsas vəzifələr qadınlara mənsub idi.

Men adası.

Burada avtobillərin yüksək sürətlə idarə olunmasına görə sürücüləri heç bir cərimə gözləmir. Bununla yanaşı, adanın paytaxtı Duqlas şəhərində müasir dövrdə belə tramvaydan istifadə etmək mümkündür.

Kuk adaları.

Bu adalar kapitan Kukun şərəfinə adlandırılmışdır. Onun yerli əhali tərəfindən yeyildiyi haqqında yayılan məlumat yalnışdır. Belə ki, Kuk Havay adalarında öldürülmüşdü. Burada üzərində Kalaşnikov avtomatının, atıcı silah konstrukuru Mixail Kalaşnikovun və Şerlok Holmsun rəsmləri həkk olunmuş sikkələrdən istifadə olunur.

San-Tome və Prinsipi.

Bu ölkədə 1999-cu ildə xüsusi sikkə hazırlanmışdır. “Millenium” adlanan həmin sikkə saat mexanizminə malikdir. O yanvar ayının biri, saat 00:00-da istehsal olunmuşdur. Sikkənin saat mexanizmi həmin vaxtdan etibarən işləyir. Hal-hazırda bu sikkə Feodosia Muzeyində saxlanılır.

Seyşel adaları.

Seyşel adaları sırasına daxil olan Mao adasında qara, qırmızı, eləcə də sarı rəngli bananlar bitir və onların insan orqanizimi üçün heç bir ziyanı yoxdur.

ABŞ.

ABŞ-nın Nevada ştatının paytaxtı Las-Vegas şəhəri dünyanın ən məşhur qumar mərkəzlərindən biri hesab olunur. Las-Vefas şəhərinin kazinolarında saatlara rast gəlmək mümkün deyil.

Xorvatiya.

İlk dəfə qalstuklar məhz Xorvatiyada meydana gəlmiş sonra isə bütün dünyaya yayılmışdır. Xorvatlar ilk dövrlərdə boyunlarına dəsmal bağlayırdılar, sonra isə həmin dəsmalı bütün dünyada kişilərin geyiminin ayrılmaz hissəsi olan qalstuk əvəz etmişdir.

Thanks for rating this! Now tell the world how you feel through social media. .
Məlumat sizə necə təsir bağışladı? (Qeyd: hissiyatınız bizim üçün önəmli və əhəmiyyətlidir)
  • Normal və ya Razı 😉
  • Həyacanverici
  • Qəmgin 🙁
  • Hirsli :@
  • Utancverici
  • Sevindirici 🙂

Şərh bölməsi: